كلمات الانشودة
بابا يا بابا
ليش احنا بنصوم
قل لي يا بابا
و فهمني كمان
انا صايمة يا بابا لكن بدي يدوم
علمي و فهمي مع أفعالي كمان و كمان
عفية عليكي إسألي دايماً
لازم ما نخجل نتعلم
واللي بيفهم أكتر فعلاً
أحسن مو يعمل وما يفهم
القرآن عرفنا منه
إن الصوم يزيد التقوى
واللي ربه راضي عنه
بالجنة إله شو ما بيهوى
بابا بالمدرسة قالولنا
إنو لو نبقى صايمين
طول اليوم عطشنا و جعنا
بنحس بالناس المساكين
ياللي مو لاقيين اللقمة
حتى نشاركهم شو معنا
و ننقي مع اللقمة الكلمة
ما بنحمّلها جميلتنا
فعلا ً صح اللي قالولك
هالشي بيزيد محبتنا
وانا برضو بدي أزوّدلك
الصيام يقوي صحتنا
فيكي تشوفي و تقرأي عنه
ع النت و في الكتب الحلوة
شو للصحة بناخد منه
وارجعي قوليلي يا حلوة
موضوع: ليش احنا بنصوم ليونتي 